Сергей Фомин чемпион бўлишига бир қадам қолди
Қозоғистоннинг Чимкент шаҳрида теннис бўйича "Challenger 50" тоифасига кирувчи халқаро турнирда ҳамюртимиз Сергей Фомин ярим финал босқичидан муваффақиятли ўтди.
Мукофот жамғармаси 63 минг АҚШ долларини ташкил этувчи ушбу турнирда Сергей Фомин 1/8 финал баҳсида австриялик Сандро Коппни, чорак финалда германиялик Макс Вискандтни, ярим финалда Босния ва Герцеговина вакили Андрей Недични таслим этиб, финал иштирокчисига айланди.
Энди мамлакатимизнинг биринчи рақамли теннисчиси бўлган Сергей Фомин сўнгги ҳал қилувчи финал ўйинида қозоғистонлик Тимофев Скатов ва франциялик Антуан Гибодо учрашуви ғолибига қарши кортга чиқади. Учрашув эртага, 25 апрель куни бўлиб ўтади.
Жавоҳир Тошхўжаев,
ЎзА
