Рубио: БМТни ислоҳ қилиш учун ҳақиқий туртки бор
Ҳозир БМТни сақлаб қолиш ва ислоҳ қилиш учун зарур ҳақиқий асос бор, деди АҚШ Давлат котиби Марко Рубио.
– Менимча, фақат ислоҳот БМТни қутқаради, – деди у журналистларга.
Шу билан бирга мулозим агар ислоҳ қилинмаса, ташкилот жиддий муаммога дуч келиши мумкинлигини таъкидлади. Қолаверса, АҚШ кейинги Бош котиб сифатида “ислоҳотга чинакам содиқ” одамни кўриш ниятида эканини ҳам қўшимча қилди.
Аввалроқ Рубио БМТ тузилмаларини кераксиз қоғозбозликни камайтириш, инсонпарварлик ёрдами самарадорлигини оширишга чақирган эди.
С.Раҳимов, ЎзА
