Полина Португалияда, Камилла Испанияда ўйнади
Айни кунларда Испания ва Португалияда теннис бўйича аёллар ўртасида ўтаётган нуфузли мусобақаларда икки теннисчимиз - Камилла Раҳимова ва Полина Кудерметова иштирок этмоқда.
Португалияда аёллар ўртасида теннис бўйича WTA125 таснифига кирувчи “Oeiras CETO Open” мусобақасида ҳамюртимиз Полина Кудерметова чорак финалга чиқди.
Полина асосий тўр баҳсларининг иккинчи даврасида испаниялик Гиомар Маристани Сулета Де Реалес билан рақобатлашди ва 7:5, 6:4, 6:4 ҳисобида зафар қучди. Энди мамлакатимизнинг иккинчи рақамли теннисчиси турнирнинг ярим финал остонасида италиялик Лучия Бронцеттига қарши рақобатлашади.
Испаниянинг Мадрид шаҳри мезбонлик қилаётган WTA 1000 таснифидаги “Mutua Madrid Open” турнирида Камилла Раҳимова яккалик ва жуфтлик баҳсларида иштирок этмоқда.
Афсуски, Камилла ушбу мусобақанинг илк босқичида украиналик Ангелина Калининага 5:6, 7:5, 6:2 ҳисобида имкониятни бой бериб қўйди.
Энди мамлакатимизнинг энг кучли теннисчиси ҳисобланган Камилла Раҳимова жуфтлик баҳсларида чехиялик Анна Сискова билан тандемда сербиялик Анна Круич ва франциялик Кристина Младенович дуэтига қарши кортга чиқади.
Жавоҳир Тошхўжаев, ЎзА
