Ўзбекистонга жўнатилган халқаро пул ўтказмалари 9,3 млрд долларга етди (+видео)
2026 йилнинг биринчи ярим йиллигида халқаро пул ўтказмалари орқали мамлакатимизга қарийб 9,3 млрд доллар келиб тушди.
Шу даврда хорижга 1,3 млрд доллар ўтказилди ва натижада 8 млрд долларлик ижобий сальдо шаклланди.
Мазкур даврда аҳоли тижорат банкларига 12,3 млрд доллар сотди. Бу ўтган йилнинг мос даврига нисбатан қарийб 1,4 баравар кўпдир (2025 йил январь-июнь – 9,1 млрд доллар).
Шу билан бирга, жисмоний шахслар томонидан 6,8 млрд доллар сотиб олинган. Бу ўтган йилга нисбатан 26 фоизга кўп бўлса-да, валюта сотуви юқори бўлгани учун аҳоли томонидан таклиф талабдан 5,5 млрд долларга ортиқ бўлди.
Валюта таклифининг юқори бўлиши ички валюта бозорида ҳам акс этди. Биринчи ярим йиллик якунига кўра, долларнинг расмий курси 12 009 сўмни ташкил этиб, йил бошига нисбатан амалда ўзгаришсиз қолди.
Марказий банк маълумотларига кўра, экспорт тушумлари, юридик шахслар валюта таклифи ва халқаро пул ўтказмалари ҳисобига 2026 йилнинг биринчи ярим йиллигида ички валюта бозорида алмашув курси нисбатан барқарор шаклланган.
<iframe width="640" height="350" src="https://www.youtube.com/embed/HxsnDD63jYI" title="O‘zbekistonga jo‘natilgan xalqaro pul o‘tkazmalari 9,3 mlrd dollarga yetdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Искандар Исматов, ЎзА
