Кеча "Uzbekistan Airways" томонидан харид қилинган тўртинчи Airbus 321neo самолёти “Тошкент” аэропортининг маҳаллий авиайўналишлар терминалига келиб қўнди. Aвиация анъаналарига мувофиқ, янги ҳаво кемаси ўт ўчириш машиналари ёрдамида сув аркаси билан кутиб олинди.

Янги самолётни терминалда Транспорт вазирлиги мутасаддилари, авиакомпания ходимлари, оммавий ахборот воситалари вакиллари ва авиаспоттерчилар кутиб олишди. 188 йўловчига мўлжалланган мазкур самолётнинг максимал учиш вазни 97 тонна ва 6850 км бўлган масофагача парвоз қилиши мумкин.

Янги ҳаво кемаларини харид қилиш йўналишлар тармоғини кенгайтириш ва йўловчиларни ташиш ҳажмини оширишга ёрдам беради.

<iframe width="1280" height="720" src="https://www.youtube.com/embed/18OxaFr7j9Q" title="Ўзбекистонга тўртинчи Airbus 321neo самолёти олиб келинди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

Ў.Aлимов, Ё.Мелибоев (видео), ЎзA