2024 йилда жаҳон бўйича олтин қазиб олиш ҳажми 3600 тоннани ташкил этди, бу эса 2023 йилга нисбатан атиги 0,5 фоизга кўп. Ўсиш суръати унча юқори бўлмаганига қарамай, олтинга бўлган талаб саноат ва молия бозорлари орасида барқарор даражада юқорилигича қолмоқда.

Ҳисоботга кўра, олтин ишлаб чиқаришда Хитой анъанавий равишда биринчи ўринда, ундан кейин Россия ва Австралия жойлашган. Кучли бешликни Канада ҳамда АҚШ тўлдиради. Шу билан бирга, Ўзбекистон ҳам энг йирик ўнта ишлаб чиқарувчи давлатлар қаторидан ўрин олди.

Ҳамроз Баянов,

ЎзА