“Ўзэлтехсаноат” уюшмасига Корея Республикасининг Корея электротехника саноати кооперативи (KEIC) раиси Чон Мён Хва бошчилигидаги делегация расмий ташриф буюрди. Бу ҳақда уюшма ахборот хизмати маълум қилди.

Музокараларда томонлар ташкилотлар фаолияти, истиқболдаги режалар ва қўшма ташаббуслар юзасидан фикр алмашди. Таъкидланганидек, мазкур учрашув  инвестициявий муҳитни ўрганиш ва электротехника соҳасида янги ҳамкорлик имкониятларини муҳокама қилишга қаратилди.

Чон Мён Хва ўз чиқишида Ўзбекистондаги кооперация имкониятларига катта қизиқиш билдирди. 

Учрашув якунида “Ўзэлтехсаноат” уюшмаси ва KEIC ўртасида англашув меморандуми имзоланди. Мазкур ҳужжат икки мамлакат ўртасида кооперацияни янги босқичга олиб чиқишга хизмат қилади.

 Н.Зиёдуллаева тайёрлади, ЎзА