Тарих ҳақиқатлари

1866 йил август ойида Россия императорининг Тошкент Россия тобелигига олинганлиги ҳақида расмий фармони эълон қилинган.

1867 йил эса Сирдарё ва Еттисув вилоятларини ўз ичига олган Туркистон генерал-губернаторлиги ташкил этилиб, генерал Кауфман губернатор этиб тайинланди. Тошкент шаҳри Туркистон генерал-губернаторлигининг сиё­сий, иқтисодий ва маданий маркази бўлди.

Анҳорнинг чап соҳилида мустамлакачи тўралар ва ҳарбийлар учун Янги шаҳар қурила бошлади. 1865 йил август – октябрь ойларида Анҳор бўйида, Тошкентнинг Кўймас дарвозаси яқинида ҳарбий қалъа – Тошкент Тупроқ­қўрғони барпо этилди. Шу вақтдан тарихий Тошкент Эски шаҳар деб атала бошлади. Янги шаҳар аҳолиси асосан руслар ва бошқа европаликлардан иборат эди. Тошкентнинг Россия империяси қўшинлари томонидан босиб олиниши бутун Туркистон (Ўрта Осиё) тақдирини узил-кесил ҳал қилди.  

"Тарих ҳақиқатлари" лойиҳасининг бу галги сонида Тарих институти таянч докторанти Соҳиба Махмудова ўша даврда ўзбек аёлларининг ватанпарварлик йўлидаги қаҳрамонликлари ҳақида батафсил маълумот беради.

<iframe width="791" height="445" src="https://www.youtube.com/embed/kqyaz8bcGrw" title="O‘zbek ayollarining bosqinchilarga qarshi kurashi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, А.Аҳмедов (видео), ЎзА