Ўзбекистон Республикаси Президентининг 2020 йил 30 октябрдаги «Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида»ги ПФ-6099-сон фармони шунингдек, «Ўзагросуғурта» акциядорлик жамияти тизимида Ёшларга оид давлат сиёсатини амалга ошириш ҳамда тизимдаги ходимларни қўллаб-қувватлашга қаратилган идоравий чора-тадбирлар Дастури асосида Жамият ходимларини спорт машғулотларига кенг жалб қилишга қаратилган амалий чоралар кўриб келинмоқда.

Хусусан, шахмат ва мини-футбол каби спорт турлари ишчи ходимнинг жисмоний ва интеллектуал салоҳиятини риволантириб унинг меҳнат самадорлигига ижобий таъсир этади.  

Жамият тизимидаги ёшлар ва ходимлар ўртасида «Ўзагросуғурта» АЖ мини-футбол бўйича III кубоги ва шахмат бўйича II мусобақаси ўйинлари жорий йил 1-2 ноябрь кунлари Самарқанд шаҳрида ўтказилди.

Ушбу мусобақаларда «Ўзагросуғурта» АЖ Бошқаруви, тизимдаги барча филиаллари ва Жамият тасарруфидаги «Агрос Ҳаёт суғурта компанияси» АЖ ходимлари иштирок этишди.  

Қизғин ва шиддатли кечган ўйинларда ўз рақибларидан устун келган иштирокчи ва жамоаларга ғолиблик кубоги, медаль ва эсдалик совғалари тақдим этилди.