Филиппиннинг Манила шаҳрида сув спорти турлари бўйича Осиё чемпионати баҳслари давом этмоқда. Чемпионат доирасида сув полоси бўйича мусобақалар бошланди.

Унда эркаклар ўртасидаги беллашувларда Ўзбекистон терма жамоаси мусобақани ғалаба билан бошлади. Сув полочиларимиз "А" гуруҳидаги дастлабки учрашувни Саудия Арабистони терма жамоасига қарши ўтказиб, якунда 14:10 ҳисобида ғалаба қозонди. Энди вакилларимиз эртага иккинчи турда Таиланд терма жамоасига қарши баҳс олиб боради.

Маълумот учун, Осиё чемпионатида жами 10 та терма жамоа икки гуруҳга бўлинган ҳолда рақобатлашмоқда. Ўзбекистон терма жамоаси "А" гуруҳида Саудия Арабистони, Таиланд, Япония ва Хитой терма жамоаларига қарши кураш олиб боради.

Жавоҳир Тошхўжаев, ЎзА