Нукусда икки бола "Hot lanch"дан заҳарланганми?
Ижтимоий тармоқларда Нукус шаҳрида икки нафар боланинг ҳотланчдан заҳарлангани ҳақидаги хабар тарқалди.
Унда қайд этилишича, болаларнинг бир нафари вафот этган, бир нафари оғир аҳволда касалхонага ётқизилган.
Бунга аниқлиқ киритиш мақсадида Қорақалпоғистон Республикаси Соғлиқни сақлаш вазирлиги Ахборот хизматига мурожаат қилганимизда қуйидагиларни маълум қилди.
Дарҳақиқат, икки нафар бола касалхонага олиб келинган. Бир нафарининг аҳволи оғир бўлганлиги туфайли вафот этган, бир нафарининг соғлиги яхши. Аммо уларни айнан ҳотланчдан заҳарланган деб айтишга эрта. Ҳозирда тиббий текширув ишлари олиб борилмоқда. Тиббий экспертиза хулосаси билан бунга аниқлик киритилади.
Довуд Абибуллаев, ЎзА