Милана Масленкова ярим финалда ўйнайди
Германияда Халқаро теннис федерацияси томонидан аёллар ўртасида ўтказилаётган W15 таснифига кирувчи турнирда ҳамюртимиз Милана Масленкова жуфтлик баҳсларида ярим финалга чиқди.
Аниқроқ айтадиган бўлсак, теннисчимиз мукофот жамғармаси 15 минг АҚШ долларини ташкил этувчи ушбу мусобақанинг жуфтлик беллашувларида нейтрал теннисчи Полина Лейкина билан тандем ҳосил қилиб, чорак финалда бошқа бир германиялик теннисчилар дуэти – Лаура Масер ҳамда Жоли Анжелика Абендрот жуфтлиги билан тўқнашди.
Мазкур учрашувда Милана ва Полина рақибларини илк сетда тайбрекда таслим этган бўлса, иккинчи сетда бирорта ҳам гейм ютқазмасдан мағлубиятга учратди. Шу тариқа ярим финалга чиққан М.Масленкова ҳамда П.Лейкина энди финал остонасида украиналик Анастасия Фирман ва Дарья Есупчук билан рақобатлашади.
Афсуски, Милан Масленкова яккалик баҳслари асосий тўрининг иккинчи даврасида германиялик теннисчи Луиза Майерга қарши кортга чиқиб, кутилмаганда мағлубиятга учради.
Жавоҳир Тошхўжаев,
ЎзА
