Милана Масленкова Германияда порламоқда
Германияда Халқаро теннис федерацияси томонидан аёллар ўртасида ўтказилаётган W15 таснифига кирувчи турнирда ҳамюртимиз Милана Масленкова жуфтлик ва яккалик баҳсларида мамлакатимиз шарафини ҳимоя қилмоқда.
Милана мусобақанинг жуфтлик беллашувларида нейтрал теннисчи Полина Лейкина билан тандем ҳосил қилиб, илк босқичда мезбон теннисчилар Аннемари Лазар ва Леони Шукнехтни 4:6, 6:4, 10:7 ҳисобида таслим этди ва чорак финалга чиқди. Энди Милана ва Полина ярим финал остонасида бошқа бир германиялик теннисчилар дуэти – Лаура Масер ҳамда Жоли Анжелика Абендрот жуфтлигига қарши рақобатлашади.
Дарвоқе, бугун 10 июнь куни мукофот жамғармаси 15 минг АҚШ долларини ташкил этувчи ушбу турнирда Милана Масленкова яккалик баҳслари асосий тўрининг биринчи босқичида мезбон теннисчи Фабиенне Геттвaрт билан ўзаро куч синашади.
Жавоҳир Тошхўжаев,
ЎзА
