Мисол учун, помидор май ойига нисбатан 52,1 фоизга, бодринг 26,6, пиёз 24,3 ва саримсоқ пиёзи 17,9 фоизга арзонлашди.

Статистика қўмитасидан олинган маълумотларга кўра, июнь ойида май ойига нисбатан мева ва сабзавотларнинг нархи ўртача 8,4 фоизга арзонлашган. Хусусан, энг кўп арзонлашгани булғор қалампири бўлиб, унинг нархи июнда май ойига нисбатан 67,6 фоизга арзонлашган.

Нархлардаги пастлашни бошқа сабзавотлардан ҳам кузатиш мумкин. Мисол учун, помидор май ойига нисбатан 52,1 фоизга, бодринг 26,6, пиёз 24,3 ва саримсоқ пиёзи 17,9 фоизга арзонлашди.

Шунга қарамай айрим қишлоқ хўжалиги маҳсулотларининг қимматлашгани ҳам бор гап. Бунга лимон нархининг йил бошидан буён 135,1 фоизга қимматлашган мисол бўла олади.

– Лимон меваси май ойига нисбатан 6,3 фоизга ва йил бошидан буён 135,1 фоизга ошди, – дейди Давлат Статистика қўмитаси вакили Усмон Абдурасулов. – Шунингдек, июнь ойида сабзи 3,6 фоиз, банан 2,7 фоизга қимматлашган.

Эслатиб ўтамиз, картошка йил бошидан 38,3 фоизга ошган бўлса, май ойига нисбатан 12,8 фоизга арзонлашган.