Норвегиянинг Фагернес шаҳрида шахмат бўйича якунланган “Fagernes International Autumn” халқаро турнирида мамлакатимиз вакиллари муносиб натижага эришди.

15 та мамлакатнинг 78 нафар шахматчиси иштирокида кечган баҳслар сарҳисобига кўра, ёш гроссмейстеримиз Абдумалик Абдусалимов 9 та турдан иборат ўйинларда 8 очко жамғариб, 1-ўринни эгаллади.

Ўтказилган 9 та турда 6,5 очко жамғарган норвегиялик Фроде Олав Олсен Уркедал 6,5 очко билан 2-ўрин, ҳамюртимиз Ортиқ Ниғматов 6,5 очко билан қўшимча кўрсаткичлар эвазига 3-ўрин соҳиби бўлди.

Улардан кейинги поғоналардан жой олган Ҳиндистон вакиллари Адҳибан Баскаран ва Картик Венкатараман 6 очкога эга чиқди.

Умумий мукофот жамғармаси 7 минг 400 евродан иборат турнирда ғолибликни тантана қилган  Абдумалик Абдусалимов +33 рейтинг жамғарган бўлса, бронза медалини қўлга киритган Ортиқ Ниғматов +15,5 рейтингни ўз ҳисобига қўшиб қўйди.

Т.Рўзиев, ЎзА