2028 йилда АҚШнинг Лос-Анжелес шаҳрида бўлиб ўтадиган XXXIV ёзги Олимпия ўйинлари ташкилий қўмитаси бир қатор спорт турларига янги дастурлар қўшмоқда. Шулар қаторида академик эшкак эшиш спортида ҳам муҳим ўзгариш рўй берди.

Бу сафар, анъанавий енгил вазнли яккалик баҳслари дастурдан чиқарилиб, ўрнига соҳил бўйида ўтказиладиган янги йўналишлар жорий этилди. Тинч океани соҳилида ташкил этиладиган ушбу мусобақаларда яккалик ва микст тоифадаги эшкак эшиш баҳслари ўтказилади.

Шу тариқа, "Лос-Анжелес-2028" Олимпиадасида академик эшкак эшиш қуйидаги йўналишларни ўз ичига олади:

– яккалик: M1x, W1x;

– жуфтлик: M2-, W2-, M2x, W2x;

– квартет: M4x, W4x, M4-, W4-;

– саккизлик: M8+, W8+;

– соҳил бўйи пойгалари: CM1x, CW1x ва микст.

Жавоҳир Тошхўжаев, ЎзА