ИҚТИБОС

“Biologic International LLC” компанияси бошқарувчи шериги Кешав Ражпал ижтимоий тармоқ орқали Ўзбекистон Президенти Шавкат Мирзиёев иштирокида ўтган Ўзбекистон – АҚШ давра суҳбати доирасида мамлакатимиз Тикланиш ва тараққиёт жамғармаси (UFRD) билан 2 та ўзаро англашув меморандуми имзоланганини мамнуният билан қайд этди.

Кешав Ражпал, “Biologic International LLC” компанияси бошқарувчи шериги:

– UFRD икки ташаббус – табиий капитал ва барқарор тараққиёт жамғармаси – “Equiterra Capital” ва сунъий интеллект экотизимидаги стартапларга йўналтирилган “Talos Capital” жамғармасини ишга туширишда асосий меъёрий шерик сифатида иштирок этади. Ҳамкорлик учун UFRD жамоасига, хусусан мамлакатдаги маслаҳатчиларга миннатдорлик билдирамиз. Ўзбекистон ҳақиқатан бизнес, инновация ва узоқ муддатли инвестиция учун очиқ мамлакат.

Маълумот ўрнида:

• UFRD – 2006 йил Ўзбекистонда устувор тармоқ лойиҳаларини молиялаштириш учун ташкил этилган, мамлакатимиздаги энг йирик давлат жамғармаси.
• Жорий йил сентябрь ойида “Talos Capital” Тошкентда сунъий интеллект соҳасида ҳамкорлик бўйича давлат идоралари, IT Park ва бошқа ташкилотлар билан музокаралар ўтказган.
• Аввалроқ “Biologic International” билан биологик ёнилғи, биологик ўғит ва озиқ-овқат маҳсулотлари йўналишларида лойиҳалар амалга ошириш масалалари муҳокама қилинган.

<iframe width="560" height="315" src="https://www.youtube.com/embed/ljBb8nZnDt4?si=h5OAzNHMisaMYop2" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдуазиз Хидиров, ЎзА