Тўризм қўмитаси Жанубий Кореяда чоп этиладиган машҳур “Move” (“Ҳаракат”) журналининг бир гуруҳ ходимлари учун Сурхондарё вилоятидаги археологик ёдгорликлар ва музейларга инфотур ташкил этди.

Шу куни хорижлик журналистлар тарихи олис ўтмишга бориб тақаладиган вилоятдаги Фаёзтепа, Қоратепа, Кампиртепа, Зурмала каби ноёб буддавийлик археологик ёдгорликлари, Термиз археология музейи ва музей-қўриқхонаси билан яқиндан танишди.

– Ўзбекистонга сафаримиз чоғида бир неча вилоятда бўлдик, – дейди журналнинг ижодий директори Чо Мин Гу.¬ – Турли дин ва маданиятларга оид тарихий ёдгорликларни ўзида жамлаган Сурхондарё бизда катта таассурот уйғотди. Воҳадан олинган суратлар асосида алоҳида фотокитоб тайёрлашни режалаштирдик.  

Кореялик журналистлар куз фаслида яна Сурхондарё вилоятига келиб, қадимий воҳа билан яқиндан танишиш истагини билдирди.  

Холмўмин Маматрайимов,

ЎзА мухбири