Жаҳон матбуоти Ўзбекистон ҳақида +(видео)

Ўзбекистон Миллий ахборот агентлигининг хорижий ҳамкорлари Янги Ўзбекистонда амалга оширилаётган ислоҳотлар, халқаро ҳамкорлик ва маданий алоқаларга оид янгиликларни ўз нашрларида кенг ёритмоқда.

Жумладан, Болгария телеграф агентлиги Тошкентда ўтказилган Технологик дипломатия бўйича Осиё симпозиуми, Туркиянинг “Анадолу” ахборот агентлиги ўзбек алифбоси ҳақидаги фикрлар, Озарбайжоннинг “АзерТаж” агентлиги Қаршида Ўзбекистон – Озарбайжон дўстлик маркази ташкил этилгани, Покистоннинг “Associated Press of Pakistan” агентлиги эса Самарқандда болалар фаровонлигига инвестиция киритиш бўйича Бутунжаҳон саммити ҳақида мақолалар эълон қилди.

Мазкур нашрларда чоп этилган материаллар Ўзбекистоннинг халқаро майдондаги ташаббуслари, халқлар ўртасидаги дўстлик ва ҳамкорлик алоқаларига хорижий ОАВ томонидан катта эътибор қаратилаётганини кўрсатади.

Видеонинг тўлиқ шакли билан “YouTube” саҳифамизда танишинг!

Фардона Яхшибоева,

Улуғбек Тўхтаев (видео),

ЎзА