Дунёнинг турли бурчакларида кузатилаётган ўзига хос, қизиқарли ва диққатга сазовор воқеаларни суратлар ёрдамида “Жаҳон ҳафта ичида” рукни орқали эътиборингизга ҳавола этамиз.
Туркиянинг Каппадокия ҳудуди узра ҳаво шарлари осмонга кўтарилмоқда.
Дания қироличаси Мери Элизабет Стокгольмда Швеция қироличаси Сильвия Ренате Соммерлат билан учрашди.
Чад. Мамлакатда уч йиллик ҳарбий бошқарувга барҳам бериши кутилаётган президентлик сайловида овоз бериш учун навбатда турган нжаменалик сайловчилар.
Лондон мэрлигига учинчи муддатга қайта сайланган Содиқ Хон ва унинг рафиқаси Саъдия Хон тарафдорлари билан расмга тушмоқда.
Бангладешнинг Нараянганж ҳудудида ахлат титиб, озуқа излаётган чўчқалар тўдаси.
Япониялик боксчи Наоя Иноуе Токиода ўтказилган IBF, WBA, WBC, WBO камарлари учун ўта оғир вазн тоифасида мексикалик Луис Нерини мағлуб этганидан сўнг, ғалабасини мухлислари қаршисида нишонламоқда.
Бразилия. Қутқарув гуруҳи мамлакат жанубидаги Рио-Гранде-ду-Сул штатида тошқиндан жабр кўрган одамларни эвакуация қилмоқда.
Италиялик спортчилар Женоадан Луккагача бўлган “Tour of Italy” велопойгасининг бешинчи босқичида.
Венгрия Бош вазири Виктор Орбан Будапештдаги Буда қасрида Хитой Раиси Си Цзиньпинни кутиб олди.
Республикачи Маржори Тейлор АҚШ Вакиллар палатаси спикери Майк Жонсонни лавозимидан четлатиш ташаббусини рад этганидан кейин, ОАВ вакилларига интервью бермоқда.
Сингапур санъат музейида мухлис Олафур Элиассоннинг “Мосс девори” номли арт-инсталляцияни суратга олмоқда.
Диен Биен Пху жангининг 70 йиллигига бағишланган парадда вьетнамлик аёллар ҳам саф тортишди.
Франция. Марселда Париж Олимпия ва Паралимпия ўйинлари машъаласини ёқиш маросимига тайёргарлик кўрилмоқда.
Хитой. Туя минишга ишқибоз сайёҳлар Дунхуандаги Мингша тоғига кўтарилмоқда.
Гепард Жанубий Африкадаги “Пинда” қўриқхонасида чумоли уяси устида дам оляпти.
АҚШ Президенти Жо Байден “Air Force One” самолётида Калифорниядаги Моффетт аэродромига етиб келди.
Кениянинг Матхаре шаҳрида бузилаётган бинода металл парчаси қидираётган киши болға билан тошни уриб туширяпти.
Ғаввос Иорданиянинг Ақаба шаҳридаги сув ости ҳарбий музейида сақланаётган танк ёнидан сузиб ўтмоқда.
Америкалик рэппер аёл “Cardi B” Нью-Йорк шаҳрида ўтказилган “Met Gala” маросимида.
Фаластинлик аёл Ғазо сектори жанубидаги Рафоҳ шаҳрида Исроил ҳаво ҳужуми натижасида вайрон бўлган уй зинапоясидан пастга тушмоқда.
Россия. Омск вилоятида қуёш чақнаши натижасида охирги йигирма йилликдаги энг йирик геомагнит бўрон кузатилди.
Шимолий Корея. Пхеньян шаҳри четидаги “Рёнпҳо” иссиқхона фермасининг юқоридан кўриниши.
Бирлашган Қиролликнинг Хастингс шаҳрида бўлиб ўтаётган “Jack In The Green” паради иштирокчилари.
9 май. Томошабинлар Москвадаги ҳарбий параддан сўнг Россиянинг С-400 ҳаво мудофаа тизими бўлинмаларини томоша қилмоқда.
Дронлар Жанубий Кореянинг Инчхон шаҳрида бўлиб ўтаётган “Drone light show 2024” кўргазмасида кубок шаклини ҳосил қилиб турган пайт.
Келаси якшанбада хабарлашгунча!
Ўткир Мирзо тайёрлади.
ЎзА