Ҳозирги вақтда қорақалпоғистонлик ўқувчилар учун Президент, ижод ва ихтисослаштирилган мактабларни ривожлантириш агентлиги тизимида янги ташкил этилган ихтисослаштирилган мактабларга саралаш имтиҳонлари бўлиб ўтмоқда.

Имтиҳонлар Олимпия ва миллий спорт турлари бўйича Нукус олий спорт маҳоратлари мактаби ҳамда Нукус олимпия ва паралимпия захиралари коллежи биноларида кунига 3 маҳал ўтказилмоқда. 5-синфлар учун тест жараёнлари 25 июль куни бошланган бўлса, 26 июль куни 8-синфлар, 27 июль куни 7-синфлар, 28 июль куни 6-синфлар, 29 июль куни 9-11-синфлар ва 30 июль куни 10-синфлар учун бўлиб ўтади.

[gallery-8044]

Мутахассисларнинг таъкидлашича, имтиҳонларда 20 минг нафардан зиёд ўқувчи иштирок этиши кутилмоқда. Ўқувчиларга тестларни ишлаш учун 120 дақиқа вақт ажратилмоқда. Улар учун барча шарт-шароитлар яратилган.

 

Довуд Абибуллаев, Мақсад Ҳабибуллаев (сурат), ЎзА