Британиянинг Economist Group компанияси таҳлил бўлими ҳисобланган Worldwide Cost of Living от Economist Intelligence Unit эълон қилган янги рейтингда Исроил пойтахти Тель-Авив илк бор дунёнинг “энг қиммат” шаҳрига айланди. Бунгача Париж шаҳри ушбу мақомни эгаллаб турганди.

"Тель-Авив илк бор рейтингда ўтган йилги бешинчи ўриндан бу йил биринчи позицияга чиқди", – дейилади Economist Intelligence Unit сайтида эълон қилинган матбуот хабарномада.

Хабарда таъкидланишича, шаҳарда ҳаётнинг қимматлашиб кетишига асосан, миллий пул бирлиги бўлган шекели курсининг АҚШ долларига нисбатан ошиб кетгани, озиқ-овқат маҳсулотлари ва транспорт хизматлари нархларининг қимматлашгани сабаб бўлган.

Эроннинг Теҳрон шаҳрида ҳам нархлар кескин ошган, натижада Теҳрон шаҳри энг қиммат шаҳарлар рейтингида аввалги 79 ўриндан 29 ўринга чиқиб олди. Бунга АҚШ жорий қилган санкция ҳам сабаб бўлгани айтилмоқда. Тадқиқотларга кўра, энг арзон нарх Сурия пойтахти Дамашқда ва Ливиянинг Триполи шаҳрида қайд этилган.

Энг қиммат шаҳарлар рейтингида Жанубий Корея пойтахти Сеул ҳам юқорига шиддат билан интилмоқда. У аввал энг сўнгги ўринларда юрар эди, энди юқори 10 таликка чиқиб олди. Сеул ушбу рейтингдаги учинчи ўринни Олимпиада-2020 га мезбонлик қилган Токио (Япония) билан баҳам кўрмоқда.