Жорий йилнинг 13-18 апрель кунлари Туркманистон Республикасининг Ашхобод шаҳрида математика фанидан бўлиб ўтган “Open Mathematical Olympiad for University Students (OMOUS-2025)” анъанавий халқаро олимпиадада Ажиниёз номидаги Нукус давлат педагогика институти талаба-ёшлари ҳам муваффақиятли иштирок этди.

Қувонарлиси, институтнинг физика-математика факультети талабалари Умида Махсутова ва Маман Генжалиев фахрли 3-ўринни эгаллаб, бронза медалини қўлга киритди.

– Талабаларимиз халқаро доирада ташкил этилган фан олимпиадасида устозларидан ўрганган билим ва кўникмаларини намойиш этиб, юқори натижаларга эришди. Албатта, бу институтимизда иқтидорли ёшларни қўллаб-қувватлаш борасида олиб борилаётган ибратли ишларнинг самараси деб ҳисоблаймиз, – дейди физика-математика факультети декани Рзамурат Жийемуратов.

Довуд Абибуллаев, ЎзА мухбири.