Хабарингиз бор, Олмалиқнинг АГМК жамоаси ОЧЛ саралаш босқичи доирасидаги баҳсда 7 апрель куни Қатарда мезбон "Ал Гарафа" жамоасига қарши майдонга тушиб, 1:0 ҳисобида ғалабага эришди ва мусобақанинг гуруҳ баҳсларига йўл олди.

Шу тариқа АГМК ОЧЛнинг "A" гуруҳига тўртинчи жамоа бўлиб қўшилди. Мазкур гуруҳ учрашувлари 15-30 апрель оралиғида Саудия Арабистони пойтахти Ар Риёд шаҳрида бўлиб ўтади. Олмалиқликлар 12 апрель куни мазкур шаҳарга етиб боришди. Эртага эса мусобақа старт олади.

АГМК иштирокидаги ўйинлар тақвими билан танишинг:

"А" гуруҳи (мезбон шаҳар - Ар Риёд): "Ал Ҳилол" (Саудия Арабистони), "Шабаб Ал Аҳли" (БАА), "Истиқлол" (Тожикистон), АГМК (Ўзбекистон)

1-тур. 15 апрель. "Шаҳзода Файсал бин Фаҳд стадиони"

00:00. "Ал-Ҳилол" – АГМК

2-тур. 18 апрель. "Қирол Фаҳд Халқаро стадиони"

00:00. АГМК – "Истиқлол"

3-тур. 21 апрель. "Қирол Фаҳд Халқаро стадиони"

00:00. АГМК – "Шабаб Ал Аҳли"

4-тур. 24 апрель. "Қирол Фаҳд Халқаро стадиони"

00:00. "Шабаб Ал Аҳли" – АГМК

5-тур. 27 апрель. "Шаҳзода Файсал бин Фаҳд стадиони"

00:00. АГМК – "Ал-Ҳилол"

6-тур. 30 апрель. "Қирол Фаҳд Халқаро стадиони"

00:00. "Истиқлол" – АГМК

Гуруҳдаги барча ўйинлар Тошкент вақти билан 00:00да старт олади.

"Ал Ҳилол" 2019 йил ОЧЛда зафар қучган, "Шабаб Ал Аҳли" эса 2015 йилги мусобақа финалчиси ҳисобланади. АГМК ва "Истиқлол" жамоалари мусобақада илк бор иштирок этмоқда.