Тошкент вилоят ҳокими Зойир Мирзаев соҳа масъуллари билан бирга ичимлик ва оқова сув тармоқларидаги қурилиш ва реконструкция ишлари билан танишиш мақсадида ҳудудларда бўлди.

Таҳлилларга кўра, ҳудудда 2024 йил 1 июль ҳолатига кўра аҳолининг 79,4 фоизи марказлашган ичимлик суви билан таъминланган. Шу кунларда бу борадаги саъй-ҳаракатлар давом этмоқда ва режага кўра, жорий йил охиригача 25 километр сув тармоқлари тортилиб, 4 та иншоот қурилади.  

Оҳангарон туманидаги “Қорасувёқа” маҳалла фуқаролар йиғинидаги 2 та сув иншооти қуриши ва 13 километр ичимлик суви тармоғи вилоят ҳокими томонидан ўрганилди. Шунингдек, “Эйвалек” қўрғони ҳудудида жойлашган 24 та кўп қаватли уй-жойлар учун мавжуд 5 минг куб метр сутка оқова сув тозалаш иншоотини таъмирлаш ҳамда 5 километр оқава сув тармоқларини қуриш жараёнлари ҳам жадал амалга оширилмоқда.  

<iframe width="1280" height="720" src="https://www.youtube.com/embed/FufofZeMD7Y" title="Ichimlik suvi bilan bogʻliq muammolar hokim nazoratida" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ҳоким шунингдек, Қуйи Чирчиқ тумани “Кўксарой” МФЙдаги 3 та сув иншооти ва 18,5 километр ичимлик сув тармоғининг иш жараёнлари билан ҳам танишди. Мазкур лойиҳа учун 5 миллиард 200 миллион сўм маблағ йўналтирилган. Авваллари бу манзилда сув таъминоти билан боғлиқ муаммолар мавжуд бўлган. Шуни алоҳида эътиборга олиб, аҳоли эҳтиёжлари учун мазкур йўналишдаги лойиҳаларни якунлаш мақсад қилинган. Эндиликда 17 та кўчага янги сув қувурлари тортилади ва натижада 640 та хонадон илк бор ичимлик суви билан таъминланади.  

[gallery-18489]

Зойир Мирзаев қурувчи ва пудратчи ташкилотлар вакилларининг лойиҳа тақдимотлари билан танишди. Ҳудуд масъуллари билан суҳбатда мазкур жойларда бўлаётган ишларни белгиланган муддатларда сифатли якунлаш борасида топшириқлар берилди. Шу билан бирга Ўрта Чирчиқ туманидаги “Мустақиллик” МФЙда ичимлик суви билан таъминловчи янги лойиҳа тақдимоти ҳам аҳолига таништирилди. Лойиҳа доирасида қурилиши режалаштирилаётган сув қудуғи ва узунлиги 11 километр бўлган сув қувури тортилиши натижасида маҳалладаги 310 та хонадонда яшовчи аҳоли ичимлик суви билан таъминланади.  

Масъуллар маҳаллада белгиланган ишларни ўз вақтида ва сифатли амалга ошириш бўйича аниқ топшириқлар берди.  

А.Мусаев, А.Алижонов (сурат), ЎзА