Аввал хабар берганимиздек, Тошкент вилоятининг қатор туманларида экологик вазиятни барқарорлаштириш бўйича махсус комиссия томонидан иссиқхона ва корхоналарнинг табиатга, ҳавонинг ифлосланишига олиб келувчи ҳолатлар ўрганилиб, аниқланган зарарли ва экологик талабларга мос келмайдиган фаолият турлари жойида бартараф этилмоқда.

Жумладан, Янгийўл туманидаги тадбиркорга тегишли писта кўмир ишлаб чиқаришга мўлжалланган  қўлбола ускуналар Оммавий ахборот воситалари вакиллари иштирокида бузиб ташланди. Унга бундай ҳолатда ишлаб чиқаришни ташкил этиш қонунчиликка зид экани тушунтирилди. Ҳозирда атроф-муҳитга етказилган зарар миқдори аниқланмоқда. 

Шу билан бирга ҳуқуқни муҳофаза қилувчи органлар томонидан  уюм қилиб тахланган кесилган дарахт парчаларининг келиб чиқиш манбааси аниқланмоқда. 

<iframe width="560" height="315" src="https://www.youtube.com/embed/YYhkdkQ26GE?si=rQOza1Hi4vGc6lmp" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов

Ойбек Давронов,

Улуғбек Тўхтаев ЎзА