Таиланднинг Бангкок шаҳрида бўлиб ўтган “WMI-2025” Халқаро математика олимпиадасида Ўзбекистон терма жамоаси муносиб иштирок этиб, умумий ҳисобда 3 та олтин, 3 та кумуш ва 4 та бронза — жами 10 та медални қўлга киритди.

Ушбу нуфузли беллашувда олтин медалга сазовор бўлган юртдошларимиздан бири — Гулистон шаҳридаги Муҳаммад ал-Хоразмий номидаги ихтисослаштирилган мактабнинг 7-“Green” синф ўқувчиси Сардорбек Суяров бўлди.  

Жаҳон миқёсидаги мазкур интеллектуал мусобақада Малайзия, Сингапур, Филиппин, Монголия, Мянма, Бразилия, Болгария, Туркия, Канада, АҚШ, Покистон, Бангладеш, Индонезия ва Ўзбекистон каби 23 давлатдан 1 700 дан ортиқ иқтидорли ўқувчи иштирок этди.

Ғулом Примов, ЎзА мухбири