Германия ЕИнинг Россияга қарши янги санкциясини эълон қилди
Германия ташқи ишлар вазири Йоханн Вадефуль яқин ҳафталарда Европа Иттифоқи Россиянинг қатор жисмоний шахсларига нисбатан қўшимча чеклов жорий этишини маълум қилди.
Ирландияда ўтказилган ЕИ учрашуви доирасида сўзлаган дипломат, гарчи иттифоқ аллақачон кенг қамровли санкцияни илгари сурган бўлса-да, алоҳида шахсларга нисбатан босимни давом эттириш бўйича иш тўхтамаслигини таъкидлади. Унинг қайд этишича, Москвага босим кучаймоқда. Шу билан бирга Украинани қўллаб-қувватлаш ҳам юқори даражада сақланиб қолмоқда. Бу ҳолат ЕИ жипслигини кўрсатади.
Германия ТИВ раҳбарининг ушбу баёноти Берлин ўтган ой Лейпциг/Халле аэропортида содир этилган дрон ҳужумига уринишда Россияни айбдор деб топгани ва шунга жавобан қатор чора-тадбирлар кўришга буйруқ берилгани ортидан янгради.
Ф.Яхшибоева, ЎзА
