ЕИ РФга қарши санкцияни четлаб ўтишга ёрдам берадиган компания ва воситачиларга чеклов жорий қилди
ЕИ Кенгаши Россияга Европа Иттифоқи чеклови рўйхатига кирадиган маҳсулотларни етказиб бериш, шунингдек нефть ва молия соҳаларида санкциядан қочиш билан шуғулланувчи 3 шахс, 9 компанияга қарши чеклов жорий этди. Бу ҳақда ЕИ дипломатияси раҳбари Кая Каллас маълум қилган.
Янги рўйхатга “Movers Group”, “DT Inier” ва “United Stream” каби Россия логистика ва молия компаниялари, шунингдек ушбу корхона эгалари ва раҳбарлари ҳам киритилган.
Бундан ташқари ЕИ фикрига кўра, санкцияни четлаб ўтиш ҳаракатига алоқадор, Туркияда рўйхатдан ўтган “Begler” ва “MEDSE Group” савдо компаниялари ҳам нишонга олинган.
БАА, Ҳиндистон ва Сейшель оролларидаги “яширин флот”га дахлдор ва Россия нефтини ташиш билан шуғулланган “DIS Logistics”, “Vigor Marine Services”, “Shiva Shipping” ва воситачи “Hurus Trade” каби қатор бошқа жамоаларга нисбатан алоҳида чоралар кўрилган.
Таъқибга дуч келган барча корхоналар маблағи музлатилиб, иқтисодий ресурслар тақдим этиши тақиқланади. Жисмоний шахсларга ЕИга кириш ман этилади.
Каллас таъкидлашича, Брюссель давом этаётган Россия-Украина уруши янада мураккаблашиши муносабати билан харажатни оширади.
С.Раҳимов, ЎзА
