Футзал: 2027 йилги Осиё чемпионати дастури тасдиқланди
Осиё футбол конфедерацияси (AFC) футзал бўйича клублар ўртасидаги Осиё чемпионатининг 2027 йилги мавсум дастурини тасдиқлади.
Унга кўра, келаси йилги мусобақада Эрон, Индонезия, Япония, Ироқ, Ўзбекистон, Таиланд, Афғонистон ва Вьетнам мамлакатларининг 2026 йилги чемпион жамоалари иштирок этади.
Регламентга мувофиқ, мусобақанинг дастлабки босқичида 8 та жамоа қуръа ташлаш йўли билан 2 та гуруҳда бир даврали тизимда ўзаро куч синашади. Гуруҳларда 1–2-ўринларни эгаллаган жамоалар ярим финал йўлланмасига эга чиқади.
Айтиш лозимки, клублар ўртасидаги Осиё чемпионати 2010–2019 йиллар оралиғида ўн марта ўтказилган бўлиб, Эрон ва Япония клублари 4 мартадан, Таиланд вакиллари 2 марта чемпионликни қўлга киритган.
Мамлакатимиз футзал жамоалари қитъа чемпионатининг барча мавсумларида иштирок этган. Энг яхши натижа 2012 йилда қайд этилган. Тошкентнинг "Ардус" жамоаси Осиё чемпионатининг кумуш медалига сазовор бўлган.
Т.Рўзиев,
ЎзА
