Мажбурий ижро бюроси органларида ижро ҳужжатлари ижросини бажариш орқали фуқаролар ҳуқуқлари ҳимояси таъминланмоқда.

Фуқаро З.М.  қарздор билан ўзаро муросага келмагач, қарздорликни ундириш мақсадида судга мурожаат қилган.  

Фуқаролик ишлари бўйича Миробод туманлараро суди қарздор  "A. I. F. " масъулияти чекланган жамиятидан  фуқаро З.М. фойдасига 86 миллион 732 минг сўм қарздорликни ундириш ҳақида қарор чиқарди.  

Мажбурий ижро бюросининг Яшнобод тумани бўлими иш юритувига мазкур суд қарори ижро варақаси келиб тушган. Давлат ижрочиси М.Раҳмонов томонидан олиб борилган ижро ҳаракатлари давомида қарздорга қарзни тўлаш тушунтирилган.  

Бироқ, талаб бажарилмаган. Шундан кейин ундирув қарздорнинг номига расмийлаштирилган моддий қийматликларга  қаратилди. Шундан кейин қарздор барча қарзларини тўлади. Шу тариқа ижро ҳужжати  тамомланиши таъминланди.

       ЎзА