Франциядаги музейдан Макроннинг ҳайкали ўғирлаб кетилди
Франция пойтахти Париждаги мум музейидан Президент Эммануэль Макроннинг ҳайкалини ўғирлаб кетишди.
Маҳаллий оммавий ахборот воситалари полициядаги манбаларга таяниб хабар беришича, ҳодиса 9-округдаги машҳур шахсларнинг мумдан ясалган ҳайкаллари намойиш этилган Гревин музейида содир бўлган.
аниқланишича, эрталаб бинога икки аёл ва бир эркак кириб, Макрон ҳайкалини ўғирлаган. Гумонланувчилар, "Greenpeace" экологик ташкилоти аъзолари ўзларини музей ходимлари каби тутган. Улар экспонатни матога ўраб, фавқулодда чиқиш жойи орқали олиб чиқишган.
Ҳайкалнинг нархи тахминан 40 000 еврога тенг экан.