Финляндия АҚШнинг Россия бўйича қарорини танқид қилди
“Reuters” хабар беришича, Финляндия ташқи ишлар вазири Элина Валтонен АҚШ Президенти Дональд Трампнинг Россия дизель экспортига қўйилган санкцияни бекор қилиш қарорига муносабат билдирган.
Хусусан, мулозим “РФнинг империяча ҳарбий машинасини қўшимча даромад билан таъминлаш нотўғри ғоя” эканини таъкидлаган. Сингапурдаги форумда сўзга чиққан Валтонен эркин дунё етакчиси сифатида АҚШ “рус зулмкорлигидан озод бўлиш йўлини танлаган Украинани қўллаб-қувватлаши зарур”лигига урғу берган.
Унинг фикрича, бутун дунё ва эркинлик ғоясига содиқ мамлакатлар жабрдийда томонида туриши керак. Бундан ташқари Финляндия ТИВ раҳбари Европа Иттифоқига аъзо давлатларни Украинага қарши урушни тўхтатмагунча, россияликларга сайёҳлик визаси беришни тўхтатишга чақирган.
Вазир сўзи якунида ЕИ таркибидаги барча давлатлар ушбу тамойилни қўллаб-қувватлаётгани, тез орада виза чеклови янада кучайтирилиши, чунки Россия айни пайт кўҳна қитъага қарши гибрид уруш ҳам олиб бораётганини қўшича қилган.
Ф.Яхшибоева, ЎзА
