Сурхондарё вилоятида ҳам “Янги Ўзбекистон мактаб остонасидан бошланади” шиори остидаги III устозлар миллий форуми ўтказилди.
Форумнинг ялпи йиғилишида вилоят ҳокимлиги, ҳамкор ташкилотлар ва 700 нафардан зиёд педагог қатнашди.
Тадбирда вилоят ҳокими Улуғбек Қосимов иштирок этиб, тизимда сўнгги йилларда олиб борилаётган кенг кўламли ишлар ҳақида тўхталиб, вилоятдаги 961 та мактабда қарийб 533 минг ўқувчига 47 мингдан зиёд ўқитувчи ва мураббий таълим-тарбия бериб келаётгани ҳамда уларнинг 3 минг 547 нафари олий тоифали ўқитувчи экани, бу кўрсаткич сўнгги етти йилда қарийб тўрт баробарга ошгани ҳақида алоҳида таъкидлаб ўтди.
Маълумки, сўнгги йилларда юртимизда ёшларнинг сифатли таълим олиши, касб-ҳунар эгаллаши, жамиятда ўз ўрнини топиши учун шароит яратиш давлат сиёсатининг энг устувор вазифаларидан бирига айланди.
[gallery-18853]
Қайд этилганидек, соҳада олиб борилаётган изчил ислоҳотлар натижасида 2023/2024 ўқув йилида вилоят мактабгача таълим тизимида ҳам самарали ишлар амалга оширилди.
Тадбир давомида таълим-тарбия тизимида алоҳида ўрнак кўрсатган, соҳани ривожлантиришга муносиб ҳисса қўшаётган фаол, ташаббускор ва изланувчан ўқитувчилар ва мактабгача таълим ташкилотлари тарбиячилари фахрий ёрлиқ ва эсдалик совғалари билан тақдирланди.
Куннинг иккинчи ярмида таълим ташкилотларида тарбиявий ишлар самарадорлигини оширишда тарбиячи-педагогларнинг роли, дарсликларда қўлланилган илғор методикалар, табиий фанларни ўқитишда янгича ёндашувлар, ўқувчиларда XXI аср кўникмаларини ривожлантириш, тадқиқотчилик, коммуникативлик, рақамли ва медиа саводхонлик, муаммоларни ҳал этиш кўникмаларини шакллантириш каби йўналишларда машғулотлар олиб борилди. Тренингларда 15 та шўъбада 309 нафар ўқитувчи иштирок этди.
<iframe width="650" height="420" src="https://www.youtube.com/embed/24Zi3axLC4g" title="Faol va tashabbuskor ustozlar taqdirlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Жонибек ҚЎЗИМУРОДОВ (сурат+видео), ЎзА