Энергетика инқилоби: Канадада “Келажак ёнилғиси” бой захираси топилди
Олимлар Канадада “оқ” (табиий) водородга бой кон топилганини тасдиқладилар. Намуна таҳлили кўрсатдики, ушбу захира йил давомида 400 уйни электр энергияси билан таъминлаш учун етарли энергия ишлаб чиқариш салоҳиятига эга.
Экологик тоза “келажак ёнилғиси” ҳисобланадиган табиий водород ишлатилганда карбонат ангидрид чиқармайди, ягона қўшимча маҳсулот хусусиятига эга тоза сувдир.
Ҳозиргача фабрикаларда соф водородни қиммат ва энергия талаб қиладиган ҳолда ишлаб чиқариш асосий қийинчилик сифатида эътироф этиб келинган. Ер қобиғида бевосита “оқ” водород топилиши бошқа қазилма ёнилғи турлари билан бирга қимматбаҳо инфратузилма қурилишига эҳтиёж сезмасдан қазиб олиш имконини беради.
Олимлар ушбу кашфиётнинг глобал аҳамиятини алоҳида таъкидламоқда: ҳозир Европада, хусусан Пиреней ва Альп тоғларида шунга ўхшаш йирик водород конлари фаол равишда қидирилмоқда. Шу тариқа глобал миқёсда тоза энергияга ўтишни тезлаштириш мумкин.
С.Раҳимов, ЎзА
