Электр ишлаб чиқариш 110 фоиз, иссиқлик энергиясини ишлаб чиқариш 100 фоизга бажарилди (+видео)
Маълумки, “Иссиқлик электр станциялари” АЖ мамлакатимизда асосий электр энергияси ишлаб чиқарувчи тармоқ сифатида фаолият юритади. Масъулларнинг маълум қилишича, 2025 йилда жамият томонидан 30,3 миллиард киловатт соат электр энергияси ишлаб чиқарилиб, режа 110 фоиз бажарилган. Шунингдек, 9,5 миллион Гигакалория иссиқлик энергияси ишлаб чиқарилиб, режа 100 фоизга уддаланган.
2025 йилда инвестиция лойиҳалари доирасида 583,84 миллион АҚШ доллари сарфланди, бунда йирик лойиҳалардан бири – Талимаржон ИЭСда 1065 МВт қувватга эга янги буғ-газ қурилмаси ва Юнусободда 100 МВт қувватга эга газ-поршен электр станцияси ишга туширилди. Сергелида барпо этилган когенерация қурилмаси эса энергетика самарадорлигини ошириб, табиий газни тежашга хизмат қилмоқда.
Энергоқурилмаларни куз-қиш мавсумига тайёрлаш мақсадида 35 та ускунанинг таъмирлаш ишлари олиб борилди. Шу билан бирга, жамият корпоратив бошқарув ва стратегик ривожланиш соҳасида халқаро ISO сертификатларига эга бўлди ва халқаро рейтингларда “ББ” “Барқарор” даражасини сақлаб қолди.
Ходимлар малакасини ошириш, халқаро форум ва семинарларда иштирок этиш, коррупцияга қарши самарали чоралар ва ESG йўналишдаги ишлар амалга оширилди. Бу барча ишлар компаниянинг барқарор ривожланиш, экологик масъулият ва ижтимоий сиёсатни такомиллаштириш тамойилларига асосланганини кўрсатади.
<iframe width="640" height="420" src="https://www.youtube.com/embed/-MnAp_hFd70" title="Elektr ishlab chiqarish 110 foiz, issiqlik energiyasini ishlab chiqarish 100 foizga bajarildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Насиба Зиёдуллаева,
Дониёр Ёқубов, Анвархўжа Аҳмедов (видео, монтаж), ЎзА
