Юртимизда бўлиб ўтган сайловларни 850 дан ортиқ халқаро кузатувчи кузатиб борди. Улар ушбу сиёсий тадбирнинг юқори даражадаги тайёргарлик асосида, очиқ ва шаффоф тарзда ўтганини эътироф этишмоқда.

Европада Хавфсизлик ва ҳамкорлик ташкилотининг Демократик институтлар ва инсон ҳуқуқлари бўйича бюроси (ЕХҲТ/ДИИҲБ) миссияси вакиллари ҳам сайлов жараёнларини кузатиб, ўз хулосаларини билдирди.  

Жумладан, миссиянинг озарбайжонлик вакили Азай Гулиев парламент сайловида аёлларнинг иштироки ошганини эътироф этди: 

— Ўзбекистон тарихида биринчи марта парламент сайловлари аралаш сайлов тизими асосида ўтказилди. Бу жараёнда аёлларнинг иштироки 40 фоиздан ҳам ошгани муҳим аҳамиятга эга. Бу эса аёлларнинг жамиятдаги ўрни ва сиёсий жараёнлардаги иштироки ошганидан дарак беради.   

[gallery-20075]

Ўтган йилларга қараганда, Ўзбекистоннинг парламент сайлови тизимида сезиларли ўзгаришлар рўй берган. Буни турли мамлакатлардан келган халқаро кузатувчилар ҳам таъкидлашмоқда. Сайловчиларга жараёнда иштирок этишлари учун барча қулайликлар яратилган. Шу ўринда сайловда кузатувчи сифатида иштирок этганимдан мамнун эканимни изҳор этмоқчиман. Ўзбек халқининг меҳмондўстлиги ва хушмуомалалигини алоҳида эътироф этиш лозим.   

<iframe width="640" height="420" src="https://www.youtube.com/embed/oAHLuyvSt1w" title="YEXHTning DIIHB kuzatuvchisi saylovda ayollarning ishtiroki oshganini eʼtirof etdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Комилова,

А.Содиқов (видео), ЎзА