Бугун 4 нафар дзюдочимиз жаҳон чемпионатида ўз иштирокини бошлайди
Венгрия пойтахти Будапешт шаҳрида дзюдо бўйича катталар ўртасида ўтаётган жаҳон чемпионатининг ортда қолган биринчи кунги мусобақаларидан сўнг Япония ва Италия жамоалари 1 тадан олтин медаль билан умумжамоада етакчилик қилмоқда.
93 та мамлакатнинг 556 нафар дзюдочиси иштирок этаётган дунё биринчилигининг кечаги беллашувларида терма жамоамиз аъзолари Баҳром Ботуров -60 килограммда, Ҳалимажон Қурбонова ва Лазиза Ҳайдарова -48 килограммнинг саралаш беллашувларида имкониятни бой беришди.
Бугун чемпионатнинг иккинчи кунги мусобақаларида Сўғдиёна Рафкатова ва Муҳайё Аҳматова аёллар ўртасида -52 килограммлилар курашида, Замоҳшари Бекмуродов ҳамда Азизбек Ортиқов -66 кило оғирликда кечадиган беллашувларда татамига чиқади.
Жаҳон чемпионати беллашувлари 19 июнга қадар давом этади.
Т. Рўзиев, ЎзА