АҚШ ва Исроил Эронни қуруқликдан қамал қилиш имкониятини муҳокама қилмоқда
“The Telegraph” хабарига кўра, АҚШ Президенти Дональд Трамп ва Исроил Бош вазири Биньямин Нетаньяху 28 июль куни Оқ уйда бўлиб ўтган учрашувда Эронга “кинетик ва кинетик бўлмаган воситалар” орқали иқтисодий босимни кучайтириш ҳақида гаплашган.
Ушбу режа, эҳтимол, АҚШ ва Исроилдан Эроннинг қўшнилари ва минтақавий шерикларига назоратни кучайтириш ёки чегара ўтиш жойларини бутунлай ёпиш, экспорт ва импорт оқимини чеклаш учун босим ўтказишни талаб қилади.
Эрон Ироқ, Туркия, Покистон, Афғонистон, Туркманистон, Арманистон ва Озарбайжон билан чегарадош. Агар ушбу етти давлатдан бирортаси ҳамкорлик қилишга рози бўлса, иқтисодий оқибатга ҳамда Ислом Республикасидан жавоб зарбаси таҳдидига дуч келади.
Шунингдек, Исроил ва АҚШ бу режани Теҳроннинг эътиборини кейинги зарур қадамлардан чалғитувчи восита сифатида тақдим этган бўлиши мумкин. Разведка маълумотига кўра, Эрон раҳбарияти иқтисодий инқироздан жуда хавотирда бўлган ва уруш давом этиши керак, деб ҳисоблаганларга ажралиб қолган.
Исроил расмийси раҳбарлар можародан кейинги ҳаракат учун уч йўлни муҳокама қилганига эътибор қаратган: келишувга эришиш, денгиз қамалини давом эттириш ва зарбани қайта тиклаш. Таъкидланишича, Нетаньяху ҳеч бир вариантни маъқулламаган.
С.Раҳимов, ЎзА
