АҚШ Эронга қарши иқтисодий босимни кучайтирмоқчи
АҚШ президенти Дональд Трамп Эронга қарши “мисли кўрилмаган миқёсда иқтисодий босим ва изоляция” бошланганини маълум қилди. Унинг айтишича, Теҳронга молиявий ёки логистик ёрдам кўрсатадиган давлатлар ҳам жиддий иқтисодий оқибатларга дуч келиши мумкин.
Трамп 19 август куни “Truth Social”даги баёнотида Ислом Республикасига келишув тузиш учун имконият берилгани, аммо Эрон бу имкониятдан фойдаланмаганини таъкидлади.
Бу баёнот Қўшма Штатлар молия вазири Скотт Бессентнинг 13 августда Эронга қарши янги иқтисодий чоралар тайёрланаётгани ҳақидаги билдиришидан бир неча кун ўтиб янгради. Бессентнинг қўшимча қилишича, Вашингтон Эронга нисбатан иқтисодий изоляцияни янада кучайтиришни режалаштирмоқда.
“Reuters” маълумотига кўра, Трамп ҳозирча янги чораларнинг аниқ механизми ёки қайси давлатларга нисбатан қандай санкциялар қўлланишини очиқламаган.
Ф.Яхшибоева, ЎзА
