“Anthropic” тадқиқотчиси СИ назоратдан чиқиб кетишидан хавотирланиб истеъфога чиқди
“Politico” ёзишича, “Anthropic” тадқиқотчиси Жейкоб Коксон кутилмаганда истеъфога чиқди. Ушбу қадам компания ва сунъий интеллект ишлаб чиқувчилар келажакда бундай қурилмаларни қандай бошқаришни ўйламасдан, ўзини такомиллаштирувчи супер интеллект яратишга шошилаётганидан хавотир туфайли ташлангани айтилмоқда.
Илгари “OpenAI”да ишлаган Коксоннинг фикрича, ўн йиллик охирига келиб, СИ одамдан ўзиб кетиши, ҳар қандай тизимни буза олиши, бир неча соат ичида илмий ютуққа эришиши, ҳақиқий ресурс ва кучга эга бўлиши мумкин.
– Айни ҳолат ўн йиллик охирига келиб барчамизни ўлдириши мумкин, – дейди Коксон. – Раҳбарлар ушбу технология хавфини атай камайтирмоқда. СИ кучини кам баҳоламанг. Бу тизим тез орада ғайри табиий имкониятга эга бўлиши мумкин.
С.Раҳимов, ЎзА
