Андижонда кадастр соҳасига оид 401 та мурожаат ижобий ҳал этилган
Кадастр агентлиги Андижон вилояти бошқармаси томонидан жорий йилнинг ўтган даврида 568 та мурожаат қаноатлантирилди.
Ўзбекистон Республикаси Президентининг Виртуал ва Халқ қабулхоналари орқали Кадастр агентлиги Андижон вилояти бошқармасига 2021 йилнинг ўтган даврида 648 та мурожаат келиб тушган. Мазкур мурожаатларнинг 591 таси ёки 91,2 фоизи мутахассислар томонидан кўриб чиқилган, уларнинг 568 таси қаноатлантирилган.
Шунингдек, бошқарма мутахассислари томонидан шу йилнинг ўтган даврида турли кўринишдаги қонун бузилиш ҳолатига йўл қўйган жисмоний ва юридик шахсларга нисбатан 1 минг 532 та маъмурий баённомалар расмийлаштирилиб, 377 миллион 622 минг сўмлик маъмурий жарималар қўлланилган.
Ф. УБАЙДУЛЛАЕВ, ЎзА