Россиянинг Ўзбекистон билан дўстлик ва ҳамкорлик ташкилотининг раиси Игорь Кругов Алишер Навоий номидаги Давлат адабиёт музейига ташриф буюриб, “Қозон тўпламларида Алишер Навоий қўлёзмалари” номли китобни ҳадя қилди.

Ломоносов номидаги Москва давлат университети етакчи илмий ходими, филология фанлари доктори, профессор Иля Зайцев томонидан нашрга тайёрланган мазкур китоб Татаристон Миллий кутубхонаси, Қозон Федерал университети кутубхонаси, Татаристон Давлат архиви, Шарқ давлат музейи ходимлари ҳамкорлигида чоп этилган.  

 

Каталогда нодир қўлёзмалардаги минатюрали ва нақшинкор саҳифаларнинг факсимил тарздаги суратлари ҳамда Алишер Навоий шеърларнинг рус тилидаги таржимаси билан боғлиқ архив материалларидан намуналар ҳам берилган бўлиб, бу нашр алломанинг 580 йиллик юбилейига муносиб армуғон бўлган.    

 

ЎзА