Алимент учун 215 миллион сўм олдиндан тўлаб берилди
Алиментларни олдиндан тўлаш тартиби жойларда тушунтириб борилаётгани натижасида алимент тўловларини олдиндан тўлаш истагини билдираётган оталар сони ортиб бормоқда.
Ҳазорасп туманида истиқомат қилувчи Р.С. уч нафар фарзандлари учун алимент тўлаб келаётган эди.
Амалдаги тартибга кўра, суднинг ижро ҳужжатига биноан қарздорнинг мамлакат ҳудудидан четга чиқиш ҳуқуқлари вақтинча чекланган.
Олдиндан, энг ками беш йил муддат учун алимент тўлаш мумкинлиги Бюро ходимлари томонидан тушунтирилгач, Р.С. фарзандлари учун беш йиллик алимент пулларини тўлаб берди.
2030 йилга қадар ҳисобланган 215,8 млн. сўм миқдоридаги алимент пуллари ундирувчининг фойдасига ундирилиши таъминланди.
ЎзА