8,6 миллиард евролик даъво: энди Трампга савол берилади
Дональд Трампга қарши 8,6 миллиард евролик туҳмат даъвоси бўйича BBC телекорпорацияси судга мурожаат қилди. Телекомпания Президент судда қасамёд остида кўрсатма бериши санаси белгиланишини талаб қиляпти.
АҚШ етакчиси адвокатлари аввал 16 октябрга рози бўлган, кейин жараённи январга қолдиришни сўраган. BBC иш бўйича далил тўплашга қарийб саккиз ой сарфлангани, давлат раҳбаридан эса ҳамон кўрсатма олинмаганини таъкидлади. Суд масалани 22 октябрда кўриб чиқиши кутиляпти.
Низо Президентнинг 2021 йил 6 январдаги нутқи акс этган ҳужжатли фильмдан бошланган. BBC маърузанинг турли қисмларини монтаж қилгани учун узр сўраган, икки раҳбар истеъфога чиққан. Трамп ҳолатни туҳмат сифатида баҳолаб, 2025 йил декабрда даъво киритган. Телекорпорация эса айбловни инкор этмоқда.
Мусулмон Зиё, ЎзА
