2020 жылғы Әдебиет саласы бойынша Нобель сыйлығы америкалық ақын Луиза Глюкке нәсіп етті.

Швед академиясы оның «болмысты өзінің қатал сұлулығымен жеке өмірді әмбебап ететін қайталанбас поэтикалық дауысын» марапатқа лайық деп бағалаған.

Луиза Глюк 1943 жылы Нью-Йоркте дүниеге келген. Ол Американың Өнер және Әдебиет академиясының мүшесі және өз шығармалары үшін АҚШ-тағы бірнеше жоғары марапаттарға ие болған: - Американдық Поэзия академиясы сыйлығы (1968), Ұлттық сыншылар қоғамы кітап сыйлығы (1985), Пулитцер сыйлығы (1993) және Боллинген сыйлығы (2001 жыл). 2003-2004 жылдар аралығында ол АҚШ ақыны, лауреат болды.

Ол Колумбия университетіне оқуға түсіп, бірақ білімін аяқтамаған. Соған қарамай Кейіннен Глюк Уильямстаундағы Уильямс колледжінде, Йель, Бостон және Айовадағы университеттерде, Вермонттағы Годдард колледжінде ағылшын тілінен сабақ берді.


2020 жылғы Нобель сыйлығы лауреаттарының есімдері 5-12 қазан аралығында жарияланады. 5, 6 және 7 қазан күндері медицина, физика және химия саласы бойынша жеңімпаздар анықталған болатын. Ал, 12 қазанда экономика саласы бойынша жеңімпаз жарияланса, 9 қазанда бейбітшілік бойынша Нобель сыйлығының иегері Норвегияның Осло қаласында белгілі болады.

Еске салар болсақ, 2019 жылғы Әдебиет саласы бойынша Нобель сыйлығы австриялық жазушы және сценарист Питер Хандкеге, «тілдік тапқырлықтың көмегімен адам тәжірибесінің шеткерілігі мен ерекшелігін зерттеген әсерлі жұмысы үшін» берілген еді.