payme Tez QR орқали тўловни 3% кешбек билан ишга туширмоқда
Стратегик ҳамкорлик доирасида UZCARD ва payme Tez QR технологияси орқали тўловни ишга туширмоқда. Лойиҳа Ўзбекистон чакана савдосида нақдсиз ва рақамли ҳисоб-китобларни ривожлантиришга қаратилган.
Интеграция payme’нинг 15 миллиондан ортиқ фойдаланувчиларига бутун мамлакат бўйлаб 110 мингдан ортиқ савдо нуқталарида - Tez QR ишлайдиган барча жойларда — харидлар учун смартфон орқали тўлов қилиш имкониятини тақдим этди.
Tez QR орқали тўлов ишга туширилиши муносабати билан пайме акция эълон қилади: payme иловасида Tez QR орқали амалга оширилган ҳар бир тўлов учун чек суммасидан 3% кешбек ҳисобланади. Тўпланган кешбекдан пайме плус обунаси фаол бўлганда фойдаланиш мумкин. Акция батафсил шартлари билан қуйидаги ҳавола орқали танишиш мумкин.
Tez QR қандай ишлайди
Tez QR - бу тўлов вақтида касса терминалида шакллантириладиган бир марталик QR-kod.
Тўловни амалга ошириш учун сотувчига харидни карта орқали тўламоқчи эканингизни айтиш, payme иловасини очиш, терминалдаги QR-kodni сканерлаш ва тўловни тасдиқлаш кифоя. Харид суммаси кодга киритилган бўлиб, шунинг учун уни қўлда киритиш талаб этилмайди. Бунда жисмоний карта талаб қилинмайди.
Харид учун тўловни:
• UZCARD картадан;
• Humo картадан;
• электрон ҳамёндан;
• иловага уланган бошқа турдаги банк картасидан амалга ошириш мумкин.
payme plus обунаси фаол бўлганда қўшимча имкониятлар ҳам мавжуд: маблағ ечиб олиш усулини танлаш, «Кейинроқ тўлаш» хизмати ҳамда тўпланган кешбек орқали тўлов қилиш.
Операция хавфсизлиги шундан иборатки, карта маълумотлари ва PIN-kod сотувчига берилмайди — тўловни тасдиқлаш бевосита илова ичида амалга оширилади.
Реклама ҳуқуқи асосида
