Пойтахтимизда гандбол бўйича қизлар жамоалари ўртасидаги U19 ёш тоифасида ўтаётган Осиё чемпионати ҳал қилувчи паллага яқинлашмоқда.

Чемпионатда Хитой, Япония, Жанубий Корея ва Хитой Тайпейи гандболчилари ярим финалда қатнашиш билан бир қаторда, 2026 йилги жаҳон чемпионати йўлланмасига эга чиқди.

Бугун, пойтахтимиздаги “Алпомиш” спорт саройида 5-8 ва 1-4 ўринлар учун саралаш мусобақалари ўтказилади.

Унда 5-8 ўринлар учун Ҳиндистон-Қозоғистон ҳамда Эрон-Ҳонг Конг жамоалари рўбарў келса, 1-4 ўринлар учун кечадиган ярим финалда Хитой-Япония ва Жанубий Корея-Хитой Тайпейи гандболчи қизлари финал йўлланмаси учун куч синашади.

Эслатиб ўтамиз, U19 ёш тоифасида Осиё чемпионатининг ҳал қилувчи мусобақалари 29 август куни бўлиб ўтади.

Т.Рўзиев,

ЎзА