Энг кучли кичик ракетка усталари чемпионлик учун курашмоқда
Пойтахтимиздаги Ўзбекистон стол тенниси федерацияси спорт мажмуасида аёллар ва эркаклар ўртасида Ўзбекистон чемпионати баҳслари қизғин давом этмоқда.
Чемпионатнинг эркаклар гуруҳида 94 нафар, аёллар гуруҳида эса 86 нафар рейтингга эга кичик ракетка усталари ғолиблик учун баҳс олиб бормоқда.
Яккалик, жамоавий ва аралаш жамоавий ўйинларни қамраб олган мазкур биринчилик натижаларига кўра, Ўзбекистон терма жамоаси аъзолари аниқланади.
Бошқача айтганда, мамлакат чемпионатида совринли ўринларни эгаллаган теннисчилар жорий йил 28 апрель - 10 май кунлари Англиянинг Лондон шаҳрида бўладиган жамоалар ўртасидаги жаҳон чемпионати ҳамда 19-25 октябрь кунлари Ўзбекистонда ташкил этиладиган Осиё чемпионатида ватанимиз шарафини ҳимоя қилади.
Тошкентда ўтаётган чемпионат доирасидаги мусобақалар 16 февралга қадар давом этади.
Т.Рўзиев, ЎзА
