"Янги Ўзбекистон" университетига Германиянинг Фрайберг университети делегацияси ташриф буюрди. Делегация университетимизнинг Янги Тошкент ҳудудидаги замонавий биноси қурилиш жараёнлари билан танишди.

Музокараларга кўра, тиббиёт факультети 2026/2027 ўқув йилида Янги Тошкентда очилиши режалаштирилган бўлиб, дастлаб 50 нафар талаба қабул қилинади.   

Ушбу тиббиёт факультети ўз клиникаси ва тадқиқот марказига ҳам эга бўлиб, келгусида немис профессор-ўқитувчилари томонидан нафақат дарслар ташкил этилиши, балки даволаш, жарроҳлик ва тадқиқот ишлари ҳам амалга оширилиши белгиланди.   

Муҳайё Тошқораева, ЎзА